Popatik bandak eta Gustavo Olmedok sortutako kanta
==================
Musika: Gustavo Olmedo
Hitzak: Aingeru Mayor
Ahotsa: Aingeru Mayor eta Xabier Crehuet
Trikitixa eta panderoa: Aitor Furundarena
Irrintzia: Nerea Barandiaran
Kitarra akustikoa: Sergio Gallardo
Musika ekoizpena: Gustavo Olmedo
Sevillako Selene Producciones estudioan grabatua
Video lyric: Aingeru Mayor
============
* Jan nazazu *
============
Hegan egingo_al dugu / gozamenen zeruan?
Jarri ba mugikorra / off, hegazkin moduan.
Eroso_ipin gaitezen / biok larru bizian
maitaleen jolasa, / gorputzen gutizian.
Besarkatu nazazu / zure besoen artean
pausatu zure ezpainak / nire_ezpainen ertzean.
Marrubizko muxuak, / su biziagotua
zure mingaina nahi dut / nireari lotua.
Listuakin marraztu / labirinto, espiralak
nire gorputz osoan / distira sideralak.
Azazkalekin nire / azala_atzamarkatu
ipurmasailak heldu / ta_eskuekin oratu
Oinetako behatzak / banaka laztanduko?
Txupatxusak bailiran / leunki zupatuko?
Ostia, hau bai plazera! / Kilimak infinitu.
Gehiegi da niretzat! / Geldi, segi, gelditu!
Bero nazazu eztiki, / ki-kitzikatu zoroki,
osorik jan nazazu... uuuu-uu
jan nazazu goxoki / ni zure karamelu
ta zu nire beroki.... uuuu-uu-u (bis)
Igo hanken arteko / bidegurutzeraino
murgildu bertan guztiz, / ez sasi ta ez laino.
Miazkatu katutxo / batek katilu esnea
miazten duen legez, / plazeren aienea.
Dasta_itzazu astiro / nire pasio-fruituak
xurgatu, zurrupatu / ertz ta zirrikituak.
Arinago aritu / arin izanik xuabe
ta segi, bai, bai, segi, / segi geratu gabe!
Taupadak tinko trostan, / arnasa bizkortzen zait
gailur batera iritsi / ..... ta_irrintzika hasten naiz.
Nire_isurien eztiak / dastatzen zaudenian
iragan ta etorkizun / gabeko_orainaldian
denbora geldituko / nuke, gelditu orkestra.
Baina ze ostia gelditu… / jarrai dezala festak!
Bero nazazu eztiki, / ki-kitzikatu zoroki,
osorik jan nazazu... uuuu-uu
jan nazazu goxoki / ni zure karamelu
ta zu nire beroki.... uuuu-uu-u (bis)
Zatoz ezagutzera / nire atzeko bidea,
botaidazu txistua / ipurtzuloan, ea!
Hatz bustia askatu / uzki ingurutikan
presiorik egin gabe, / presik gabe, irrikan.
Poliki zabaltzen da, / hatza irentsi nahian,
hortxe gelditu, ez bultza, / egon, ez joan abailan.
Lerdea isurtzen zait, / jarraitu hor luzaro,
paradisuan nago... / Maite zaitut zeharo!
Xuxurlatu astiro / hitz lizun pizgarriak
zure arnas epelaz / berotuz belarriak.
Bihurri eta gaizto / jolas zazu nirekin,
plazer eta minaren / arteko muga ireki.
Tiraidazu iletik, / titiburua_atximur
nire_ezpainak hozkatu / hala nazazu limur.
Fuerteago_egidazu, / noraino nik esango
ez beldurrikan izan, / hau da nire fandango!
Bero nazazu eztiki, / ki-kitzikatu zoroki,
osorik jan nazazu... uuuu-uu
jan nazazu goxoki / ni zure karamelu
ta zu nire beroki.... uuuu-uu-u (bis)
Atsegin hartu duzu / zuk nire plazerean,
nik zurean hartu nahi / nuke modu berean.
Zure desirentzako / ni zure zerbitzari
Zuk eraman eta nik / segi zure dantzari.
Esan, laztana, zer nahi / duzun zuri_egitea.
Esan zer eta nola, / esadazu, maitea.
Nik be-berotuko zaitut, / kitzikatuko zoroki
osorik jango zaitut... uuuu-uu
jango zaitut goxoki, / zu nire karamelu...
ta ni zure beroki..... uuuu-uu-u (bis)
Eman eta hartu
Popatik, popatik, popatik!!!