Donostiako sarrera moztu dugu, helduen egoitzetako negoziazio mahaia blokeatuta dagoela salatzeko
2022-06-30
Greba uholdea dugu Euskal Herrian, sektore feminizatuetan ere, aspaldidanik gainera. Horixe da Gipuzkoako helduen egoitzetako borrokaren kasua. Hain zuzen ere, greba egunak deitu ditugu ekainaren 30 eta uztailaren 1, 14 eta 15erako, hitzarmen duin baten defentsan. Greba sorta honetako lehen egunean, ekintza egin dugu Donostian, Amarako sarreran. Errepidea blokeatu dugu, negoziazioa bera blokeatuta dagoela salatzeko.
