Torturatuei ahotsa emateko eta aitortza eta erreparazioa lortzeko elkarte bat sortu dute
2021-12-11
Nafarroako Torturatuen Sareak beste urrats bat eman du herrialdeko torturatuek behar duten aitortza eta erreparazioaren bidean aurrera egiteko. Gaur zabaldu dutenez, elkarte bat eratu dute Nafarroan torturatuen bozgorailu izateko eta pertsona horien guztien aitortzaren eta erreparazioaren alde lan egiteko. Euren lehenengo eginbeharra torturen eta tratu txarren kopuruari buruzko errolda ahalik eta zabalena eta zehatzena egitea izanen da, eta horretarako elkartearen bazkideak egingo dituzte.
