Dantzari urbanoak, Fun Dantz lehiaketako protagonistak

Break On Stage antolakundeak eta Aretxabaletako Udalak sustatzen duten ekitaldiari esker, Euskal Herriko dantza-talde garaikideen koreografiak ikusteko aukera egon da Ibarran. Bailarako parte-hartzea Bergarako Candem Town taldeak ziurtatu du, eta "oso gustura" aritu dira tarima gainean. Maila absolutuan The Factory bilbotarrak izan dira txapeldunak. Hala, maiatzaren 21ean Barakaldon egingo den Break On Stage jaialdi handirako txartela eskuratu dute.