6. GEU BE BAGARA ITSASOA - Arrain-salmenta

Itsasoko zereginak ondo bereiztuta egon dira: gizonezkoak joan izan dira arrantzan, eta andrazkoek lehorrean egin izan dute lan. Emakumezkoen egitekoak ez dira hain ikusgarriak izan, eta bigarren mailakotzat jo diren horiek azalduko dira bideo sorta honetan. Arrain-saltzaile mota ezberdinak egon izan dira: arraina otzaran hartu eta etxerik etxe ibilitakoak; plazan postua hartuta; arrandegiak… Lan ekina da: portuetako lonjan edo merkatuetan arraina erosi, saltzeko prestatu, bezeroei saldu...