Erronkaren hitz gakoekin etiketa lainoa sortu

Maiz, ikaslea galduta aurkitzen da, erronkari edo gelako jarduerari buruzko informazioa interneten bilatzeko eskatzen diogunean. Ikasleak denbora asko pasatzen du bilaketetan emaitza antzuak lortuz. Ez dute asmatzen bilatzaileetan jarri beharreko testuarekin, emaitza egokiak eta zehatzak lortzeko. Hau ekiditeko ezinbestekoa da erronkaren informazio beharrak modu antolatuan azaltzea ikasleari. Horrela bilaketa egokiekin, garrantzizko emaitzak lortuko dituelarik. Erronkaren giltzarriak hitz-gakoekin adieraz ditzakegu; gelako lana izanik hitz-gako hauen hautaketa egitea. Behin hitz-gakoak hautatutakoan, hauekin etiketa lainoak sortu ditzakegularik eta erronkak irauten duen bitartean makulu gisa erabili ahal ditugularik.