Bidankozeko oihartzun zarrak
bete gaitu beti minez,
zenbat su ez ote zen itzali
euskal etxetan aunitz urtez;
gero txingarrak zirikatuta
denon artean sormenez,
sua hauspotuz bizirik gaude
hil ezkilari aurre eginez,
Mendigatxa maite dugu baina
Mendigatxa izatea ez.
Lalala, ....
Mila kolorez jantzia dago
euskararen izadia,
Ollarango mendi nabarrean
pagoen berde argia,
Iruñerriko uda gorrian
galburuaren horia,
Ziertzo gogorrak marrazturiko
Bardea Beltz eta Zuria,
Ebrok berdatutako bazterrak
Mejana zabal ta joria.
Lalala, ...
Arga ondoko erripan gora
bi mila urteko hiria,
belaunez belaun agortu gabe
euskararen isuria;
auzolanean uxatu dugu
betiko agorraldia,
mila errekak berritu dute
emari gazte ta bizia,
gora Iruñeko Euskaldunak!
gora Hiri Buruzagia!
Airea: Herrikoia
Hitzak: Kike Diez Ulzurrun