Iñaki Soto: "Agerian geratu da poliziek eskubideez eta prentsa askatasunaz duten ikuspegia"

Cabacas Auziari lotutako epaiketa egin dute gaur Bilboko Auzitegian. Gara egunkariko Iñaki Soto zuzendaria eta Iñaki Iriondo kazetaria, eta Jone Goirizelaia abokatua eseri dira akusatuen aulkian. 250.000 euroko kalte ordaina eskatzen die Ugarteko-k ezizenez ezagun egindako ertzainburuak, haren “ohorea eta intimitatea” urratu egin zutela egotzita. Fiskaltzak ondorioztatu du Gara eta Naizek ertzainen arteko komunikazioa jasotzen zuten audioak zabaldu izanak informazio eskubideari erantzuten diola, eta era berean, 13.000 eurotara jeitsi du kalte ordain eskaera. Auzi saioa amaituta, ebazpenaren zain geratu da epaiketa.