BIZIPOZA / ETXE " Bi Begi " abestia / Bidebarrieta Liburutegian / Bilbon

Bizipoza elkarteak “Gure bizipoza, guztiona” izeneko dokumentala ekoitzi dute, zeinak elkartearen nondik norakoak azaltzen dituen. Lan hau jendarteratzeko hainbat emanaldi antolatu dituzte. Elkarte honetako partaideek, hau da haur eta familiek, egunerokotasunean bizi duten errealitatea ezagutaraztea da Bizipoza elkartearen asmoa. Gizabanako guztien eskubideak bermatuko dituen gizarte inklusibo bat eraikitzen laguntzeko hain justu ere. Dokumentalaren aurkezpena Azaroaren 20an iritsiko da hona, Bilbora. Bidebarrieta kulturgunean eskainiko duten ekitaldia, arratsaldeko 7etan. Gainera, bai dokumentala, bai elkarte bakoitzaren inguruko mikro-dokumentalak ere, dokuweb batean daude ikusgai www.bizipoza.eus webgunean.