#KaleraKalera Picassent espetxera martxa

Mila lagun baino gehiago joan dira Espainiako eta Frantziako kartzelen aurrera gaur presoei maitasuna adieraztera eta kalean nahi dituztela exigitzera. Autobusetan, ehunka euskal herritar Espainiako eta Frantziako sei espetxetara joan dira gaur eguerdian, “maite zaituztegu” lelopean. Kalera Kalera ezker abertzalearen dinamikak kartzela esanguratsuenetara egin du martxa: preso kopuru handiena dutenak, urrunen daudenak eta emakumeak dauzkatenak aukeratu ditu. Modu horretan, Curtis (620 km.), Picassent (566 km.), Puerto de Santa María (973 km), Roanne (794 km.), Fleury (864 km.) eta Saint Maurreko (620 km) espetxeetara iritsi dira martxak.