Hitzak eta musika: Julen Lekuona, 1966.
Letra y música: Julen Lekuona, 1966.
Ez, ez dut nahi
ez, ez, ez,
ez holako zibilizaziorik.
Kaiolaren adarrak ditugu alboan,
eskuindarrek eskua zabaldu juxtuan,
zigor indarren menpe,
tiroak gogoan.
Horrela bizitzerik ez dago munduan.
Poliziak nun nahitik zerbait egitean
pentsatu arazi nahi makil indarpean
irudi du gerala
kaiola batean
jarritako txoriak fusilen menpean.
Horregatik ez dut nahi gizonen kutsurik
zibilizazioaren sasi jaungoikorik
libre nahi dut bihotzez
libre loturetik
basurdearen gisa hortzak estuturik.