Hauteskundeen atarian – Feminismoa giltzarri

www.berria.eus | Emakumeen presentzia Eusko Legebiltzarrean. Hori da gaurko saioaren abiapuntua; izan ere, aurreko agintaldian emakume parlamentari gehiago izan ziren Eusko Legebiltzarrean gizonezko parlamentariak baino. Emakumeen presentzia handiagoa izateak, baina, ez du zertan esan nahi feminismoak ere presentzia irabazi duenik. Horregatik, testuinguruaren eta gertatu denaren analisia egiten ahaleginduko dira gonbidatuak: egungo egoera zein den eta aurrera begirako arreta-guneak zein izan daitezkeen zehazteko. Arantxa Elizondo EHUko Politika Zientzietako irakaslea, Zuriñe Rodriguez ikerlaria, eta Elixabete Garmendia kazetaria izango dira saioan.