Jai seguruak eta askeak aldarrikatu dituzte Uribe Kostako neska gazte feministek

Udako jaiak hastear daudenean, Uribe Kostako neska gazte feministek gogoratu dute eraso matxistak errepikatzen direla urtero. Hori dela eta, elkartzeko beharra ikusi dute, "guretzako seguruak eta askeak izan behar diren jaiak aldarrikatzeko". Hala, antolatuta daudela eta erantzunak kolektiboki emango dituztela iragarri dute: "Autodefentsa feminista da gure arma: hamaika eraso, hamabi erantzun!".