Irutxulo.hitza.eus | Hirugarren Euskaraldia aurkeztu dute larunbat goizean San Telmo museoan, eta 22. Korrikak Euskaraldiari lekukoa pasatu diola irudikatu dute; 'Hitzez ekiteko garaia' izango da leloa.
Maialen Sorzabalbere eta Mikel Irazusta Barrexerka taldeko umoregile donostiarrek egin dituzte aurkezle lanak, eta, besteak beste, Donostiako AEK-ko ordezkari Aitziber Otegik eta Donostiako Euskaraldiko ordezkari Maddi Juanikorenak hitz egin dute. Ekitaldiaren amaieran, lehenengo Euskaraldian (2018an) 'belarriprest' izandako Mariano Ferrer kazetaria omendu dute, 2019an zendu baitzen.