Jokoteknia Bideo-jokoen IV. Euskal Jardunaldia Europako hizkuntza gutxituen inguruan ardaztuko da
Azkue Fundazioak eta Game Erauntsiak elkarlanean onduta, Jokoteknia Bideo-jokoen Euskal Jardunaldiaren hiru edizio egin dira orain arte. Hiru jardunaldi horien harrera onaren ondorioz, bi erakundeek laugarren jardunaldia egitea adostu dute.
Hirugarren edizioa azaroaren 6an egingo da, Euskararen Etxean, 9:45etik 14:00etara. Jardunaldia streaming bidez jarraitu ahal izango da, hala Azkue Fundazioaren YouTube kanaletik, nola Game Erauntsiaren Twitch kanaletik.
Bideo-jokoen eta Europako hizkuntza gutxituen arteko harremanak
Jardunaldiaren xedea da euskara eta bideo-jokoak uztartzea eta euskal bideojoko
zaleen komunitatea sortzea. Hala, aurtengo jardunaldian komunitatearen kontzeptuak
esangura berezia hartuko du, euskaldunen egoera ez ezik, beste komunitate batzuen
bizipenak ere ezagutuko ditugulako. Izan ere, Europako hainbat bazterretako
gonbidatuak batuko ditugu bideo-jokoei buruz hitz egiteko eta hizkuntza gutxitu
desberdinen egoera azaltzeko.
Aurten, berritasun azpimarragarriak izango dira; tartean, aurreko hiru edizioetako
edukiak bilduko dituen liburua aurkeztuko da, betiere, jardunaldiaren lau ardatzei
jarraiki:
Bideo-jokoen laugarren euskal jardunaldia: Etxeko esperientzietatik ikasteko
Ikasle, jokalari eta garatzaileak kontaktuan: Bideo-jokoen alderdi ezberdinak
aztertzeko asmoz
Bertako kultura eta industria bultzatzea xede: Euskaratik eta euskaraz egiten
dugu bertako bideo-jokogintza kultura indartzeko
Gonbidatu bereziak: Bideo-jokogintzan dabiltzan beste komunitate batzuen
berri izateko