Mireia Gabilondoren 'Erlauntza' filmaren trailerra ikusgai dago iada.
'Erlauntza', azaroaren 6an estreinatuko da eta Kepa Errastik eta Mireia
Gabilondok idatzitako gidoi batean oinarrituta dago. Aitziber Garmendia,
Sara Cozar, Getari Etxegarai, Naiara Arnedo, Itziar Atienza eta Leire
Ruiz dira filmaren protagonistak.
Ane Antoñanzas eta Fernando Bernués dira filme honen ekoizle
exekutiboak, David Bernués eta Xabier Lozano argazki zuzendariak, eta
Ana Turrilas arte zuzendaria.
Aipatzekoa da La Tentación eta Acronica-ren ekoizpena bi bertsio
originaletan egongo dela ikusgai azaroaren 6tik aurrera.
Sinopsia
Haurtzaroko lagun talde bat landetxe batera joango da haietako baten
ezkon-aurreko agurra ospatzera. Baina urteak ez dira alferrik pasatzen,
eta elkarren artean lotura handia badute ere, ezer ez da garai batean
bezala ; edo bai.
A priori asteburu zoroa izango zena, are zoroago bihurtuko da: trapu
zikinak, inoiz esan ez ziren gauzak, aitorpenak, alkohola, droga eta
erlauntz bat.