Iraia Iturregi: "Athleticek ezer badauka aldagelaren indarra da"

Iraia Iturregi (1985, Loiu) Athleticen historiako parte da. Jokalari bezala lau liga irabazi ditu, partida gehien jokatu dituen hirugarrena eta gol gehien sartu dituen zazpigarrena izatearekin batera. Orain, entrenatzaile karguan momentu gozoa bizitzen ari da, baina lehen taldea hartzeko eskatu ziotenean egoera oso bestelakoa zen. Aukera goizegi iritsi zitzaiola dio, eta jakitun zela bere entrenatzaile ibilbide hasiberriaren amaiera izan zitekeela gaizki ateraz gero. Etxekoa izanda, ordea, ezin zuen beste alde batera begiratu. Hona Aiert Arietarekin Ttap aldizkarirako izandako solasaldia.