Pablo Martinez eta Etzozi Elgezabal elkarbizitzaz

www.berria.eus | Ongi ezagutzen dute espetxea Pablo Martinezek (Donostia, 1960) eta Etzozi Elgezabalek (Bakio, Bizkaia, 1985). Martinez Langraizko espetxeko (Araba) funtzionarioa izan zen 1993tik 2005ra, ETA jardunean zela. Haren lankide batzuk ere hil zituen erakundeak. Elgezabalek, berriz, bikotekidea du Puerto III espetxean, urrunduta, (Cadiz, Espainia), ETA behin betiko desagertu eta urtebetera. Hormaren alde bitan egon diren arren, bidean egin dute topo, eta elkar entzun, ulertu eta bizikidetzarako harri berriak jartzeko ariketa egin dute Foro Sozialak eta Berria-k antolatutako solasaldian.