Ohar honen bitartez, Gasteizko zenbait kaleren izenak aldatzeko deiari uko egin eta
Frankismoaren babesle izandakoak goraipatzen jarraitzearen alde egin duen horretan,
Gorka Urtaran alkatea interpelatu nahi dugu zuzenean, eta aldi berean, gaiaren inguruan
herriaren aldebakarreko erabakitzeko eskubidea aldarrikatu.
Frankismoaren babesik ez dugu onartuko, ez Gasteizen, ez inon. Horregatik,
Urtaranek gaiarekiko hartutako jarrera ikusita, gure hiriaz lotsatzea lortu duten kaleen izena
kentzea erabaki dugu. Hark ez baditu kaleen izenak aldatzen, Herriak berak aldatuko ditu:
Argi daukagu Frankismoaren arrasto minimoena ere behin betiko suntsitzea ezinbestekoa
dela. Horregatik, Obispo Ballester edo Pedro Orbea bezalako frankistak, beste batzuen
artean, gogoratzen dituzten kaleen letreroak kendu ditugu.
Gasteizek bat egin zuen Maroto bezalako alkate faxista bat botatzeko, baina halako
erabakien bitartez argi ikus daiteke aurpegi aldaketa besterik ez zela izan: Española
Ikurrinagatik, baina elite berdinen menpeko.
Honenbestez, diktaduraren aldeko keinurik duen edozeinek aurrez aurre izango
gaituela argi utzi nahi dugu, erdibideko jarrerarik onartuko ez delarik: ez da justifikaziorik
egongo frankismoaren alde egin dutenak gogoratzen jarraitzeko.
Gorka Urtaranek kaleen izen frankistak aldatzeko inolako intentziorik ez daukala
esateak polemika sortu zuen Gasteizen. Gerora, aste honetan zehar talde jeltzaleak bere
aurpegia garbitzera behartua ikusi du bere burua, baina ez du kaleen izenak aldatzeko
erabakirik hartu edota aurrera-pausurik eman. Ez zaituztegu itxarongo, herriak urte luzez
darama bere memoria idazten eta eraikitzen, inposizioen aurrean bere horretan
mantenduko gara. Beste behin ere, PNV-k argi erakutsi du zeinen aldean kokatzen den eta
“polemika” ekidin nahian kapaz da bere memoria bera ere zapaltzeko.
Jakin badakigu ez daukazuela gaitasunik Gasteizko botere mediatikoei aurre egiteko,
baina prest ote zaudete gure hiria lotsarazten jarraitzeko eta berriro izen horiekin gure
kaleak zikintzeko?
Euskal Herrian, 2017ko Urrian
Ernai Gasteiz