Irutxulo.hitza.eus | Haizearen Orrazitik eta Saguestik atera dira giza katearen bi zutabeak 17:30ean. Hiru trikitilarik girotu dute martxa Haizearen Orrazitik, eta pixkanaka ‘bidea egiten’ joan dira Bulebarrera iritsi arte. Saguestik bi ilaretan atera dira, segurtasun-distantzia errazago mantendu ahal izateko, dultzaina eta danbor talde batek lagunduta. Bulebarrean topo egin dute bi estatua esanguratsuetatik atera diren zutabeek, eta kairuntz joan dira ekitaldiari amaiera emateko.