Hizkuntzaren garapenean eragiten dute faktoreak

'Bermeo eta Ondarroa, hizkuntzaren garapenean eragiten duten faktoreak' ikerketa mardula aurkeztu dute egunotan Eneritz Albizu eta Goizane Arana UEMAko teknikariek. Euskararen ezagutzaren eta euskararen erabileraren arteko etena zerk eragiten duen aztertu nahi izan dute. Ondorioa: "euskaraz naturaltasunez hitz egitea ahalbideratzen duen ekosistema osoa da zaindu beharrekoa". Ikerketa Bermeon aurkeztu dute, Bertako udal ordezkariekin batera, herritarren aurrean.