Martin Ugalde Foroa: Euskara ere normalitaterantz?

Normaltasun berri bat dugu jokoan, eta, iparrorratz horretan, euskarak ere egon behar du, bai behintzat gizarte berdinzale, kohesionatu eta demokratikoago bat eratu nahi badugu. Mezu horixe aldarrikatzeko, Kontseiluak ‘Geroa euskaratik’ dinamika du abian, euskagintzako eta bestelako hainbat norbanako eta talderen babesarekin. Hainbat egitasmo antolatu dira, eta horietako bat izango da ekainaren 4ko mahai ingurua. Luxuzko hiru gonbidaturekin: Josu Amezaga, Idurre Eskisabel eta Amelia Barquin. Gidari lanetan, berriz, Goizalde Landabaso kazetaria arituko da.