LEKU HORI

UPV/EHUko Kultura Zientifikoko Katedrak (http://zientzia.info/eu) agerian jarri asmo du, ahal duen neurrian, emakumeek zientziaren eta teknologiaren munduan egiten duten lana. Lan hori nabarmendu nahi dugu, eta horregatik argitaratzen dugu Mujeres con Ciencia (http://mujeresconciencia.com) bloga 2014ko maiatzetik. Batez beste, egunean artikulu bat ateratzen dugu: Katedrarentzat, egunero da zientziaren arloko emakume eta neskatoen eguna. Alabaina, emakume eta neskato horien eguna egunero izatea ez da inolako oztopoa Nazio Batuen egitasmoarekin bat egin dezagun eta guk ere Zientziaren arloko Emakume eta Neskatoen Nazioarteko Eguna (http://www.un.org/es/events/women-and-girls-in-science-day/) ospa dezagun. Helburu horretxekin ekoitzi dugu "Leku hori", testu honekin batera doan bideoa: salaketa egiteko, hain zuzen ere, baina baita gaiari optimismoz begiratzeko ere. Eta, gogoan izan, optimismo hori lortzeko, lan egin beharra dugu. Hori dela eta, UPV/EHUko Kultura Zientifikoko Katedrarentzat, zientziaren arloko emakume eta neskatoen eguna izango da bai bihar, bai etzi, bai hurrengo egunetan. "Leku hori" K2000 enpresak ekoitzi eta Jose A. Pérez Ledok zuzendu du, eta Bizkaiko Begoñazpi Ikastolan grabatu zen.