Kanaldude Sarako idazleen biltzarretik zuzenean !

Sarako Idazleen Biltzarra antolatu zen lehen aldikoz 1984ko Bazko astelehenez. Hastapenetik xede bera zuen: egun berean, toki batean, Euskal Herrian bizi edo honetaz ari diren idazleen biltzea, euskaldunak izan ala ez. Kanaldude ekitaldiaren partaide izanez, apirilaren 2an, 11:30tarik 13:00 arte, zuzenean izanen da Saratik. Egitarauan, Herriko etxeak aurten Koldo Zuazori emanen dion saria Pantxika Maitiak animaturik, Euskalzaindiaren tartea eta Biltzarrean zehar idazleekin egin diren elkarrizketen bideo laburrak. Literaturazale guzien hitzordu nagusia !