Apirilaren 10ean itzuliko den Arrasate-Udalatx lasterketa, gertutik

1.092 egunen ostean, udaberriko oporren atarian itzuliko dira mendi lasterkariak Udalatx eta Besaide inguruetako mendi bideetara; 2020ko etenaren eta 2021eko edizio birtualaren ostean, apirilaren 10ean egingo da Arrasate-Udalatx mendi lasterketaren 6. edizioa. Ganix Lasa Mondraitz kirol klubeko kidea izan zen Harmailatik saioan Xabi Urzelairekin solasean. Besteak beste, lasterketaren nolakotasunaz, antolakuntzaz, moldaketez, desirez, zein izen-emateez aritu ziren hizketan, eta Lasak adierazi bezala, helburu argi batekin eman dute berriz itzultzeko urratsa: "2019ko irudi zaharrak errepikatzea".