www.berria.eus | Askok ez lukete sinetsiko hamar urte baino ez direla Manu Bendala Sevillatik Euskal Herrira etorri zela euskaraz txintik jakin gabe. Hizkuntzaz maitemindu, ikasi eta gaur egun bera da euskara besteei irakasten diena. Baina, ez da horrekin konformatu eta bertsolaritzan hizkuntzan sakontzeko eta hizkuntzarekin goxatzeko abagunea topatu du. Otsailaren 23an kantatuko du aurreneko aldiz Arabako Bertsolari Txapelketan.