Felix Iñurrategiren heriotzaren 20. urteurrena

www.berria.eus | 2000. urteko uztailaren 28a, euskal mendizaletasunaren egun tristeenetako bat izan zen. Felix eta Alberto Iñurrategi anaiak, Gasherbrum I (Pakistan, Himalaia, 8.068 metro) eta Gasherbrum II (Pakistan, Himalaia, 8035 metro) mendiak kateatzeko asmoarekin joan ziren Himalaiara. 1990ean lehenbizikoz Pumori (Nepal, Himalaia, 7.161 metro) mendia zapaldu zutenetik, urtero joan ziren zortzimiliakoren bat igotzera. Ordura arte, hamalau zortzimilakoetatik, hamaika igo zituzten. Gasherbrun II mendiaren gailurrera ere iritsi ziren, baina zorigaiztoko erorketa batean, Felix hil egin zen.