2019 DUEI 50 | Euskera Dantzan: Hik eta nik, guk

GURE ZUZTARRAK 50 urte egin doguz euskerearen gurpilean dantzan. Hik eta nik, zenbat ahalegin, 'korapiloan-korapiloan', alkar-lanean: Ander, Karmelo, Mikel, Lontzo... eta ondorengo gazteagoak, apunteginen, liburuginen. Jesusen multikopisteak berbetan baleki, hankartean prakak apurtzerainoko 'puntapioa' jaurtiko neuke. Orduan dana egoan egiteko eta egiteke... eta erderetan guztiz arroztu baino lehen, geure euskal izateari etxea egiten hasi ginen Derioko Udako Euskal Ikastaroan, 'euskara jalgi hadi plazara' kantatuz. GURE ABARRAK Zer ete dago gure begi-belarrietan; zer, gure ahots eta keinuetan? Asmamenaren lilura gozoa... hitzaren oihartzun eztia. Gaur, eskuartean ezer ez eukitetik, ia dana eukitera pasau gara. Gizarte euskalduna daukagu, baina ez euskeraduna. Erderaz hobeto dakigu euskera jatorrez baino. Euskerea jakin-beharrekotzat baino ez ete daukagu ba? KIMU BARRIAK Labayru Fundazioaren etorkizuna urre kolorez apaintzeko, halabeharrezkoa dogu, pantaila horri klik egin eta etekin onuragarria ateratzea: - Gazteen jakingureari euren tresna bidez erantzuteko. - Tresna horreen laguntzaz taldeta suna sendotzeko. - Gazteria gure asmoetara erakartzeko. - Euskerea etorkizunean oinarrituta dagoala erakusteko. Korapilo hori askatzen badogu, geurea dogu geroa!!