Pertsona Nagusien Hamabostaldia

Pandemia dela eta, azken bi urteotan bertan behera laga behar izan den Pertsona Nagusien Hamabostaldiaren XXVII. edizioa egingo da aurten. Maiatzean zehar burutuko diren ekintzak aurkeztu dituzte udaletxean egindako prentsaurrekoan Jon Iraola alkateak, Idoya Sarasketa Gizarte Zerbitzuetako zinegotzi eta Adinekoen Batzordeko buruak eta Biztu Jubilatuen eta Pentsionisten Koordinakundearen presidenteak, idazkariak eta jarduneko diruzainak.