PAH/HKP-k Caixabank-en aurrean salatu du bankuek kaleratutako jendeari zorra mantentzen dietela

Plataformako hainbat kidek euren egoera larria plazaratu dute gaur goizean, Caixabank bankuaren aurrean. HKP-ko kideek Etxebizitza Lege berri bat aurkeztu dute Kongresuan: zorra amaitzea behin etxea emanda eta neurri hau atzeraeraginezkoa izatea; alokairuaren prezioa erregulatzea; pobrezia energetikoaren kontra egitea; beste bizitzeko tokirik izan ezean kaleratzerik ez egitea; eta kaleratzea egitekotan, familiak bankuen pisu hutsetan geratzea.