Diskoa salgai. Salmenta-puntuak hemen: http://www.iurre.eus/
NORA JOAN DEN?
Nora joan dun Libe? Nora?
hire irribarre ederra…
Nora joan dun Libe? Nora?
bizi hinduen indarra…
Ama Lurraren altzora
nagon sinistu samarra,
Mariren kobazulotik
ageri dun ostadarra…
Izango haizena lainoa,
izango haizena izarra,
ilargia, eguzkia,
hegoa eta iparra,
itsas aldeko haizea,
goizeko euri langarra,
biharko egunsentia,
eta gaurko ilunabarra.
Nora joan dun Libe? Nora?
Hire irribarre ederra…
Izango haizena Libetxo
masusta eta sagarra,
sugalindara, zaldia,
tximeleta, azkonarra,
Tximistarriko Lamia,
eta olatuen aparra,
gure baratzeko lorea,
eta gure irribarrea.