Asier Etxenike Hezkuntza plazara ekimeneko kidea elkarrizketatu dugu Hamaika Telebistan

Asier Etxenike Hezkuntza plazara ekimeneko kidea elkarrizketatu dugu Hamaika Telebistan. Etxenikek azpimarratu du hezkuntza sisteman “trantsizioa” egiteko markoan kokatzen dutela Hezkuntza Lege berria, eta nabarmendu du Hezkuntza Itunaren balorazio “positiboa” egin zutela oro har, akordio horrek “margotzen zuelako aurrera egiteko oinarria”. Hala ere, uste du Eusko Jaurlaritzak irailean aurkeztutako Lege Zirriborroan “jausi” egiten direla Hezkuntza Itunean jasotako hainbat puntu: “Indefinizio maila handitu egin da, eta are, zehaztuta zeuden gauza batzuk desagertu egin dira”.