'Luhuso: ETAren armagabetze zibilaren kontakizuna' liburuaren aurkezpena

www.berria.eus | Luhuson iazko abenduaren 16an izandako armagabetze saioa, hura prestatzeko lanak, ondorengo orduak eta apirilaren 8ko armagabetze osorainoko lau hilabeteak. Horiek jaso ditu Enekoitz Esnaola BERRIAko kazetariak Luhuso: ETAren armagabetze zibilaren kontakizuna liburuan, eta Baionan aurkeztu dute lana. Bertan izan dira, Esnaolaz gain, Jean Rene Etxegarai Euskal Elkargoko presidentea eta Mixel Berhokoirigoin bakegilea. Bideo bidez, Anaiz Funosas Bake Bideko bozeramaileak eta Jean Noel Etxeberri Txetx bakegileak ere parte hartu dute ekitaldian.