www.berria.eus | Iñigo de la Serna Espainiako Sustapen ministroa Iruñean izan da gaur goizean, Euskal Y-a eta Nafarroako bidea lotuko dituen proiektuaren berri ematen. Bisita horren harira, hainbat lagun elkartu dira Espainiako Gobernuak Iruñean duen delegaritzaren aurrean, Abiadura Handiko Trenaren aurkako elkarretaratzean. Bertan izan dira, besteak beste, Nafarroako Gobernua sustengatzen duten EH Bildu, Ahal Dugu eta Ezkerra alderdietako hainbat kide.