Martxoak 8: "Zapaltzen gaituen sistemari sua" leloak Nafarroako kaleak moreaz tindatu ditu

Emakumeak "zapaltzen, erasotzen eta erailtzen" dituen "sistema heteropatriarkal, kapitalista, arrazista, kapazitista hau kiskali" nahi dutela ozen adierazi du mugimendu feministak Nafarroa osotik egindako hamaika mobilizazioetan. Milaka feminista izan dira Iruñeko karriketan "emakumeontzat zein sexu-genero disidenteontzat kriminala eta jasanezina den" eredu sozio-ekonomiko honekin bukatu nahi dutela adierazteko.