Kataluniako bozetan, 155. artikulua edo bide subiranistaren zilegitasuna jokoan

Ez ohiko hauteskunde autonomikoak dira gaur Katalunian. Urriaren 28an, Generalitateko hainbat ordezkari kargugabetu eta Mariano Rajoyk deitutako hauteskundeotan, 155. Artikuluaren ezarpenari zilegitasuna aitortzea edo bide subiranistarekin jarraitzea dago jokoan, besteak beste. Parte hartze altua izatea espero da, eta hauteslekuak itxi ostean ikusiko da bloke independentista edo konstituzionalista irteten den garaile, edota gobernagarritasunerako giltza izan daitekeen alderdia zein izango den.