Azalaren azpian - Mikel Urdangarin (*Zart, 2020)
2021-10-20
Izurdeen lekua diskoko abestia da 'Azalaren azpian'.
Azalaren azpian. Nire eta ehunka umeren bertsolaritza irakaslea izan zan Jon Lopategi txapeldun handiari eskeinitako esker on kantua.
Haurtzaroko oroitzapenak heldu begiekin.
Hitzak:
Sasoi hareetan ohiko genduan
Zorrontzatik Durangora.
Oinak jarrita, puntua erantzun,
bigarren kilometrora.
Mugarrapeko harrobi hartatik
doinu zaharren altzora.
Amak kariñoz oroitzen eban
behin hari esandako lora:
Jakizu Miren zure semea
bertsolari izango da.
Gorderik zana bertsotan dakart,
lehengo aitortza ixila.
Harri koxkorra zein harritzarra,
harri baltz, harri zurbila.
Txarrik ezpaitzan ahalegindu zan
balekoa izan zedila.
Eta kementsu ebilelarik
harri bitxiaren bila,
gurari bete gurdi hartatik
jaitsi zan gure mutila.
Berben joskera neurgarri balitz
harri bat horman sartua
hezurretara ailegatzen zan
ahots harrakalatua
aintzinateko dardarizoa
sustraietara lotua
oraindik nazen nerabe honek
ixilpean maitatua
maisu zaharrak entzun dagian
goratu nahi dau kantua.
Hain begi txiki bera zirenak,
jende onaren izena.
Oraindik ez da huts bilakatu
amari esandako dena.
Ozen kantatu gura neunskizu
esker onik beroena.
Zure begiek ikusi eben
neureek ezin ebena,
kantariaren azal azpian
bertsolaria nintzena.
Oraindik nigan bizirik dago
zure berbak ekarrena.
Kantariaren azal azpian
bertsolari bat ba zena.
Zure begiek ikusi eben
orain neurek dakustena
kantariaren azal azpian
bertsolaria nazena.
Jarraitu Mikel Urdangarin YouTuben: https://bit.ly/38OGBgs
Instagram: https://www.instagram.com/mikel_urdan...
Facebook: https://www.facebook.com/MikeUrdangarin
Spotify: https://spoti.fi/3kE0bOG
:::::
Kabuto estudioak egindako ikusentzunezkoa, Antonio Alphax.
English translation: Elizabeth Macklin
*ZART 2020
©Mikel Urdangarin