Gurean Gaur albistegia Ekhiñe Atorrasagastiren eskutik. Honatx gure lerroburuak:
- Pedro Sanchezek PSOE-ren barne hauteskundeak irabazi ondoren, alderdiak Hego Euskal Herrian dituen idazkari nagusiek, Idoia Mendiak eta Maria Chivitek, batasunaren aldeko mezua partekatu dute gaur.
- Eduardo Santos izango da Podemos-Ahal Dugu Nafarroako idazkari nagusi nagusi berria. Hautagaitzen arteko boto alde murritza dela eta, Laura Perezek bozak berriz zenbatzeko ikuskaritza eskatu du.
- Nafarroan baita, ELA eta LAB sindikatuek elkarrizketa sozialaren kontseilua bertan behera uztea eskatu diote Nafarroako Gobernuari. Hala suertatuz gero, exekutiboak bidelagun izango dituela adierazi dute.
- Espetxe politikari dagokionez, Sortuk deituta, asteburuan martxak egin dituzte Curtis, Fleury, Picassent, Puerto, Roanne eta Saint Maur-eko espetxetara.
- Kiroletan, Oiartzunek maila galdu zuen atzo Zaragozaren aurka porrota jaso ostean. Gizonezkoetan, Realak Europa Leaguerako txartela eskuratu du eta Athletic-ek Kopako finalaren emaitzaren zai egon beharko du.
- Pilotan, kasik urtebete kantxetatik kanpo egon ondoren, Juan Martinez de Irujok erretiroa hartuko du. Ekainaren 24an Iberokoa omentzeko partida berezia antolatu dute Iruñeko Labriten.
- Datorren igandean ospatuko dute Ibilaldia Mungian.
#11gaur