Euskara Plus: euskara ez dakiten herritarrentzako ikastaroa
2021-09-03
Azken urteetan euskara arloan azaleratutako premiei erantzun nahian, Euskara Plus ikastaroa antolatu dute Ondarroako, Lekeitioko eta Markina-Xemeingo udalek, UEMArekin eta
Banaiz Bagara elkartearekin elkarlanean. Euskaraz ez dakitenentzako
ikastaroa da, eta doan izango da.
Ikastaroaren helburua da zaintzan, zerbitzuen arloan (merkataritza/ostalaritza) edota arrantza munduan (itsasoan edo portuan) diharduten edo lana aurkitu nahi duten etorri berriek lanerako gutxieneko euskara maila izan dezatela lortzea. Ikastaroaren berri emateko sortutakoa da honako bideoa.