Lehen eta orain, etorkizuna ikasgai

Miguel Altunaren eta Goi Eskola Politeknikoaren iragana, oraina eta etorkizuna hizpide ditu erreportaje berezi honek; are gehiago, ikastetxeena eta haren bitartez bailararena, hein batean, behintzat, Debagoienaren izaeran eragin zuzenekoa baitute ikastetxeok. Hainbat protagonistaren lekukotzak jasotzen ditu erreportajeak: Iosune Irazabal, Miguel Altunako zuzendaria; Roberto Uribeetxeberria, Goi Eskola Politeknikoko Ikerketa arloko arduraduna; Xabier Retegi, Miguel Altunako ikasle ohi eta Arrasaten zuzendari izandakoa; Jose Mari Larrañaga, Miguel Altunako zuzendari ohia; Jose Ramon Elortza, Goi Eskolan irakasle izandakoa; eta ikastetxeotako ikasleak eta ikasle ohiak, eta gaur egun lantoki dituzten enpresetako ordezkariak.