Musikatzen
Popatik banda
=======
Musika: Xabier Crehuet
Hitzak: Ekaitz Goikoetxea
Ahotsak: Xabier Crehuet eta Saioa Ventura
Gitarra: Xabier Crehuet
Biolontxeloa: Pello Ramírez
Ekoizpena: Fredi Pelaez
Pottoko Estudioan grabatuta
========
* Musikatzen *
Hiru bider lau hamabi,
lenguaia polita,
kimika beharrean
matematika.
Arnesik gabe estutu
zaigunean arnasa
gaua borobiltzen
hasi da konpasa.
Nora partitu da
gure partitura,
akordurik gabeko
akorde hura?
Fado, lami, larre...
guk aukeran FARRE,
bi inprobisatzaile
gaude aurrez aurre.
Segi maitea, segi,
ezpainak kilikatzen,
nire izena musukatu ta
musikatzen.
Pentagramako bigarren
eguzkira heltzean,
elkar biluztu dugu
zuri-beltzean.
Plazerari kadentzia
afinatzen bazaio,
larrua egiten da
ukitu ta jo.
Nora partitu da
gure partitura,
akordurik gabeko
akorde hura?
Fado, lami, larre...
guk aukeran FARRE,
bi inprobisatzaile
gaude aurrez aurre.
Segi maitea, segi,
ezpainak kilikatzen,
nire izena musukatu ta
musikatzen.