"Esanezin" gara eta 2021ean argia ikusiko duen lan berriaren aurrerapen gisa "Altzagarate" eta "Esan Ezin" abestiak aurkeztera gatoz.
Hitzak eta ahotsa: Ianire Aranzabe.
Musika Oriol Floresen laguntzaz sortua izan da, eta berak ekoitzi du Bartzelonako El Turonet estudioan Claudi Arimanyrekin eta Zestoako Gaztain Estudioan Eñaut Gaztañagarekin.
Pianoak: Garazi Esnaola.
"Esan Ezin" abestian Lain taldeko Leire Berasaluzek parte hartu du.
Masterizazioa: Aberin estudioak.
Altzagarate
Zuen esku laztuen leuntasuna
negu gogorrenak epeltzeko
Zuen izenez josita nire zauriak
zuen begietan bizitzaren oinarria
Elkar lotutako bihotzen taupadez
eraikitako etxea
Zuen izenez josita nire zauriak
zuen begietan bizitzaren oinarria
Nire azalean betirako iltzatuta
zuen zoriona, ez dut gehiago behar.