Onartu dute Donostiako pisu turistikoen ordenamendu berria

Donostiako Udalak pisu turistikoak erregulatuko dituen udal ordenantza onartu du, EAJ eta PSEren aldeko botoekin. Aurkakoa eman dute oposizioko alderdiek: EH Bilduk, PPk eta Irabazik. Arau berriak Donostiako eremuetan banatuko ditu alokairu turistikoak. Eneko Goia alkatearen esanetan, pisu turistikoen fenomenoari erantzun egokia emango dio, turismo iraunkor eta kalitatezkoa lortzeko bidean.