Pauma bere txitoekin

Irutxulo.hitza.eus | Azken asteotan, udaberria hasi zenetik, Egiako eta Loiolako Erriberako bizilagunek eta Kristinaeneatik gertu pasa diren donostiarrek paumen oihuak entzungo zituzten, ugalketa garaian izan baitira. Bere fruituak eman ditu horrek, eta bi pauma txiki jaio dira parkean, gutxienez. Pauma arrek eta urmaeleko ahateek distantzia jakin batetik begiratzen dituzten bitartean, hor dabiltza marroi koloreko txitak, etengabe janari bila, amarengandik asko urrundu gabe.