Inoizko Kantoikrit oñatiarrena izan da zazpigarrena

Fixed bizikleten probak Kantoikrit izena hartu zuenetik –aurrez bi urtez Surf Festaren baitan jokatu zen proba, eta Xabi Altube oñatiarra izan zen bietan garaile–, inoizko lasterketarik oñatiarrena izan zen zapatukoa. Mikel Olalde (1.) eta Iñigo Mugarza (3.) podiumera igotzeaz gain, beste hainbat oñatiar ere aurreko postuetan ibili ziren, kaleak lepo bete zituzten herritarren gozamenerako.