2019 DUEI 50 | Argitalpena
2019-10-25
Derioko Udako Ikastaroak lotura adikorrak sendotu ditu bertatik igarotako ikasle izandakoakaz: ikasle eta irakatsitako edukiez harantzago doan adikortasuna, edo eraspena.
Horrexen lekuko da, sortu zanik 50 urte garrenera egiten dogun gomuta-liburu hau. Ez dira edonor, ez edozeintzuk, beronetan euren oroimen, akordu eta sentierak idatziz finkatzeko borondatea eta gogoa erakutsi dabenak. Belaunaldi diferenteetako ordezkarien idatziak aurkituko dozuez berton untzeturik, hasierako urteetatik hona artekoak.
