Arrotxapeako Gaztetxea, desalojo arriskuan baina bizi-bizirik

Arrotxapeako Gaztetxea hilabeteak darama desalojo arriskuan. Iruñeko Udal gobernua Navarra Suma-ren eskuetan geratu zenetik, hustutzearen aukera gero eta hurbilago sentitzen dute gune autogestionatuaren gazteek, eta bizilagunekin batera gaztetxea defenditzera hautua hartu dute. Hustutzea ez da oraindik eman, baina arriskua hor dago. Hori bai, gaztetxea inoiz baino biziago dago.