"Presoen auziaren korapiloa askatzeko unea" dela, dio Sarek

Sare Herritarra partaide diren Nafarroako herri eta auzo ezberdinetako herritarrak Iruñean agertu dira euskal presoen eta euren senideen eskubideak errespetatuak izan daitezen exigitzeko "eta denon artean presoak etxeratzeko unea dela aldarrikatzeko eta urtetako sufrimenduak atzean utziz konponbidean urratsak emateko". Errepresaliatuen aldeko ekimenak Nafarroa osora zabaltzeko asmoa agertu dute.